“Kanta Jaunari” lan taldea

EZKILA argitaletxeak, Belokeko abadiaren ardurapean, Iparraldeko euskarazko liturgi dokumentu gehienak argitaratu eta zabaldu ditu, azken 60 urtetan. Heien hitzartu ondoan, “Kanta Jaunari argitaletxea” sortu da 2015ean, “Ezkila argitaletxea”-ren ildotik, lan bera segitzeko.

“Kanta Jaunari” webgune hau euskarazko liturgiaren elizbarrutiko webgunea da.

2024an ideki webgune hunen sortzaileek elizbarrutiko lan talde askotan parte hartzen dute :

• Elizbarrutiko Liturgi eta Sakramendu Pastoraltzarako Zerbitzuan.
• Euskal Herriko Parropietako Koraleen Batzordea-n, 1901 ko elkarteen legepean bildua, eta 2015ean “Kanta Jaunari Elkartea” deitu dena.
• Elizbarrutiko irratian : Radio Lapurdi Irratia.

Lantalde horrek, “Liturgia eta Sakramendu Pastoraltzarako Elizbarrutiko Zerbitzua”-ren ardurapean, “Kanta Jaunari argitaletxea” izena eta bere ISBN zenbakiekin, azken urteetan, dokumentu nagusi asko argitaratu ditu :

• 2011n, lantaldeak partitura bilduma bat argitaratu du, mezaren ohizko zati guziak bilduz : “MEZA SAINDUKO KANTUAK”, 148 orrialde.
• 2015ean, lantaldeak organo partitura bilduma bat argitaratu du, “ELIZ KANTU, Organoa lagun”, 312 orrialde, 250 kantuekin.
• 2020an: “Liturgiam autheticam” gutunaren ondorioz, Jaun Apezpikuak Erromako Meza Liburua-ren itzulpena berrikuspea eskatu dio lantaldeari ; “Erromako Meza Liburua”-ren maketazioa eta argitalpena bukatu du 2020-an, 1036 orrialde.
• 2021ean, lantaldeak Parropientzat argitaratu du liburu hau : “OTOITZ ETA KANTU – Prières et chants”, 896 orrialde, lan elebiduna, hor kausi ditazke : otoitzak, mezaren ohizkoa, 200 kantika euskaraz, 160 kantika frantsesez, “Orduen Otoitza” euskaraz eta frantsesez, etab… Liburu hau parropientzat inprimatua izan da, 9500 aletan.

Webgune hunen sustraiak sakonagoak dira.
Langile askoren fruitua da, Ezkila Argitaletxeak publikatua :

1- 1970eko hamarkadan nafartar eta lapurtarrera liburu hauek agerrarazi zituzten itzultzaileak : Erromako Meza Liburua (Aldareko liburua, 1971 eta 1983), igande eta bestetako irakurgaiak, etab… Lana kolektiboa eta anonimoa izan bada ere, lan horren egile nagusia ezaguna da : Pierre Andiazabal apeza.

2- Kantuen eta salmoen egileak, horien artean azpimarratzekoak direlarik Belokeko fraileak, eta partikulazki : Iratzeder (Xavier Diharce) eta Gabriel Lerchundi fraileak. Azpimarratzekoa da, halaber, Ignace Etchehandy Anaiaren lana, bai eta Anaia Marcel Etchehandy Anaiaren lan arraroa, Biblia osoa baxenafar-lapurtarrez itzuli duena (“Biblia elkarteak” 2007an argitaratua, eta webgune batean irakur daitekena – ikus “Biblia” webgunea).

3- 1969an sortu zenetik, liturgiarako musika liturgia sorkuntza asko asmatu dituen “Euskal Herriko parropietako koralen batzordea”.

“Nor gira” webgune zati huntan berean, Ignace Etchehandy Anaiaren testu bat aurkitzen da, “Kantua eta euskara liturgian” presentatzen duena.