Z 62 / Nere Jainkoa

62. salmoa

Nere Jainkoa goizetik nabila
zutaz egarri ni zure bila.
Ur beharretan den lurra bezala,
ni zure minak banerabila.

1
Zauden etxean ikus zaitzadan,
indarrez eta ospez betea.
Kantuz nagozu ; zure grazia,
bizia baino askoz hobea.

2
Bizi guzian, goretsi nahiz,
eskuak luze banagokio.
Nere arimak, zutan gozoa,
nere ezpainek zu bozkario !

3
Gauez gau nago, ohe gainean,
zuri otoitzez : entzuten nuzu !
Nere laguntza izan zare, zu ;
hegalen pean gorde nezazu.

4
Ni galdu nahiz, etsaiak oro,
leizeak laster irets ditzala.
Erregek aldiz, bere Jainkoa,
ongi-eginez gorets dezala.