Iratzeder / Mozarabiar Pange Lingua
1- Ahuspez agur zuri, Jesus Jauna,
denen Jaun, denen Ogi.
Eman gaur zerurako mina,
gaizkitik gaiten maitez jalgi.
Zurekin, zuri beha gauan barna,
goazen bai argiz argi.
2- Zu Jainko gure Jauna bihotzean,
hau bake, hau indarra !
Noiz nihun zeren beldur izan,
gaizkirat nola berriz lerra ?
Gau egun zeru alde geramatzan,
pitz gutan goiko karra.
3- Zu ganat gaiten berma, gutan bizi ;
gutan har, gutan maita.
Ez gaitzan gurutzeak izi,
zinezko sinestea susta.
Nundik ez indar beltzak orai hezi,
Jainkoa gutan baita.
4- Bihotz bat dugun orai denek egin,
zurekin, elgarrekin :
mundurat goiko Erreinua
gu bidez, hedatuz joan dadin ;
hil eta gure lur hau zerutua,
zu baitan, ikus aitzin.
