Roger Idiart
FEDEDUNEN OTOITZA
(airea: Orhiko txoria)
Argi zazu otoi Jauna, Itzali zaikun laguna ! (bis)
1. Bizi nahian direnez
Herioak damurik ez …
Otoitzean bat eginez,
Hemen gaude doluminez.
2. Ez da munduan jenderik
Noizbait erortzen ez denik …
Barkamena zuk emanik,
Dugu zerua zabalik.
3. Gure azken aldakuntza
Gisa guziz oren latza …
Zoin gora dugun egoitza !
Emaguzu hango giltza.
4. Salbatzaile amultsua,
Pitz bekigu zure sua.
Gaur gure otoitz kartsua,
Izan bedi indartsua.
