Besta eder huntarat, goazen oro betan,
sar bedi bat bedera alegrantzietan !
Bataioa (Baptême)
1- Haurño hunen (hauen) gatik gaur gaiten alegera :
lehen aldiz baita (dira) jin Jaunaren etxera.
2- Hurbil gaiten, anaiak, Bataio-harrira,
Jainkoaren semeak hemen sortzen dira.
3- Hunen (hauen) Herri berria gare orai denak.
Entzun zatzu, Jauna, zuk, esker beroenak.
4- Horra kristau gazte bat Jaunaz xertatua :
bihar izan gaiten gu hunen sustengua.
Lehen Jaunartzea (1ère communion)
5- Iratzar haur maiteak, bihotzak prepara
zuen Jainko Jaunaren errezebitzera.
6- Hau da egun ederra argitu zaukuna :
gure gana jiten da Salbatzaile Jauna.
7- Diotzogun Jesusi eman oraidanik
esker on, amodio, bihotzen erditik.
8- Zato, bai, har gaitzazu, zureak gaituzu,
gur’egoitza zurekin egin nahi dugu.
9- Bainan flako baigira, zuk azkar gaitzazu :
zurekin nahi gira, begira gaitzazu.
10- Haur gazte horiekin lorietan gaude.
Zu, Jauna, gu denentzat izan argi-bide.
11- Egun lehen aldiko dugu Jaunartzea :
Jesu Kristoren baitan gu ere sartzea.
Trinitate Saindua (Sainte Trinité)
12- Trinitate Saindua gaur dugu ospatzen
salba dezan mundua diogu eskatzen.
Mendekoste eta Konfirmazionea (Pentecôte et Confirmation)
13- Izpiritu Sainduak oro gaitu biltzen,
amodioz argitzen bai eta sustatzen.
14- Apostoluen gisa, gu ere lekuko :
zoin mezu amultsua dugun emaiteko !
15- Jitez eta kolorez gira desbardinak,
bainan ber maitasunez, Jainkoa eginak.
