Iratzeder / Herrikoa
Pange lingua
1- Dugun aipa Gorputz hunen misterio handia,
eta Odol sainduaren indar salbagarria,
lurrekoak salba diten, Jainkoak ixuria.
2- Eman zaiku, sortu zaiku, Ama hartuz Maria.
Mundu huntan hedatu du bere hitzen hazia ;
itzultzean utzi dauku Sakramendu handia.
3- Azken gauan egin zuen, anaiekin afari :
jan moldean osoki zen jarraiki Legeari ;
gero bera eskaini zen Hamabien janari.
4- Jainko hitzak hitz batez du Gorputz egin ogia,
arno hutsa Odol saindu du bilakarazia.
Dudetarik fedeak du zaintzen bihotz garbia.